Փրայմ Ինշուըրնս Բրոքերս
Lloyd’s-ի բրոքեր՝ տարածաշրջանային փորձառությամբ և համաշխարհային հասանելիությամբ։
Մեր պատմությունը
Մեր պատմությունը ձևավորվել է նորարարական ձեռքբերումներով, Հայաստանի ապահովագրական ոլորտի զարգացման գործում ունեցած նշանակալի ներդրումով, միջազգային ճանաչմամբ և մեր հաճախորդների ու գործընկերների համար երկարաժամկետ արժեք ստեղծելու անսասան հանձնառությամբ։
Հայաստանում առաջին ապահովագրական և վերաապահովագրական բրոքեր դառնալուց մինչև Lloyd’s-ի հավատարմագրված բրոքերի կարգավիճակ ստանալը՝ մեր ուղին արտացոլում է գերազանցության, առաջնորդության և շարունակական զարգացման ձգտումը։
Ծանոթացե՛ք այն կարևոր հանգրվաններին, որոնք ձևավորել են Փրայմ-ը, և այն ազդեցությանը, որը մենք շարունակում ենք ունենալ այսօր։
Մեր պատմությունը
Ինչպես սկսվեց մեր պատմությունը
1993 թվականին Փոթիի նավահանգստում տեղի ունեցած մի դեպք դարձավ Փրայմ Ինշուըրնս Բրոքերս-ի ստեղծման նախադրյալը։ Այդ օրերին հայտնի դարձավ, որ Հայաստանում մնացել էր ընդամենը երկու օրվա ցորենի պաշար, մինչդեռ ցորեն տեղափոխող նավը հրաժարվում էր մոտենալ նավահանգստին՝ քաղաքացիական ընդվզումների վերաբերյալ ստացված տեղեկատվության պատճառով։
Փրայմ-ի հիմնադիր Արտավազդ Յախշիբեկյանը, ով այդ օրը իր մեկ այլ բիզնեսի գործով գտնվում էր Փոթիի նավահանգստում, պատահաբար հանդիպեց Lloyd's-ի բրոքեր Exall Warren Darby ընկերության ներկայացուցիչ Peter Wacogne-ին։ Նրանց միջև տեղի ունեցած քննարկման արդյունքում, Peter Wacogne-ը տրամադրեց ապահովագրական լրացուցիչ երաշխիքներ և նավը բեռնաթափվեց, ու ցորենն անվտանգ տեղափոխվեց Հայաստան։
Այս իրադարձությունը Արտավազդ Յախշիբեկյանի մոտ հետաքրքրություն առաջացրեց Lloyd's-ի ապահովագրական մշակույթի նկատմամբ և դարձավ այն գաղափարի սկիզբը, որի նպատակն էր միջազգային ապահովագրական փորձը բերել Հայաստան։ Շուտով Exall Warren Darby-ն որոշեց բացել իր ներկայացուցչությունը Երևանում, իսկ 1995 թվականին հիմնադրվեց Փրայմ Ինշուըրնս Բրոքերս-ը, որը Lloyd's-ի հնագույն բրոքեր՝ Bain Hogg International-ի առաջարկությամբ դարձավ վերջինիս բացառիկ ներկայացուցիչը Հայաստանում։
Հայաստանը՝ համաշխարհային ապահովագրական քարտեզի վրա
Փրայմ-ը տարիներ շարունակ ներկայացրել է Հայաստանի ապահովագրական շուկան միջազգային հեղինակավոր համաժողովներում, զարգացրել ռազմավարական համագործակցություն առաջատար ապահովագրողների, վերաապահովագրողների և բրոքերների հետ, ինչպես նաև նպաստել միջազգային փորձի, լավագույն գործելակերպերի և նորարարական ապահովագրական լուծումների ներդրմանը Հայաստանում։
Փրայմ-ի հետ համագործակցությամբ, հայկական շուկա են մուտք գործել աշխարհի մի շարք հեղինակավոր ապահովագրական, վերաապահովագրական և բրոքերային ընկերություններ, այդ թվում՝ Bain Hogg, Munich Re, Swiss Re, Partner Re, VIG Re, Allianz, AIG, MetLife, TT Club, ACE, Chubb, AON, Marsh, Willis, DIOT Siaci, Kay International, և այսօր արդեն՝ Լլոյդս-ի բազմաթիվ սինդիկատներ։
Որտեղ ենք այսօր
Այսօր Փրայմ-ը Lloyd's-ի հավատարմագրված բրոքեր է՝ վստահելի կամուրջ հանդիսանալով Լոնդոնի Lloyd's-ի և Հայաստանի, ինչպես նաև տարածաշրջանի ապահովագրական շուկաների միջև։
Այսօր Փրայմ-ը առավել քան երբևէ ամուր դիրքեր ունի ոչ միայն Հայաստանի, այլև միջազգային ապահովագրական ասպարեզում։
Մեր ուժը մեր բազմամյա փորձի, ֆինանսական կայունության, անսասան արժեքների և միջազգային գործընկերների վստահության մեջ է։
Փրայմ-ը սահմանել և պահպանում է վստահելիության այնպիսի նշաձող, որտեղ ընկերության գործողությունները մշտապես համահունչ են հնչած խոսքերին, իսկ ընկերության ֆունդամենտը վաստակած հարգանքն է։
Մեր ազդեցությունը
Ավելի քան երեք տասնամյակ Փրայմ-ը նշանակալի դերակատարություն է ունենում Հայաստանի ապահովագրական ոլորտի զարգացման գործում՝ նպաստելով նորարարությունների ներդրմանը, մասնագիտական գիտելիքի տարածմանը, միջազգային համագործակցության ընդլայնմանը և ոլորտի ինստիտուցիոնալ զարգացմանը։
Այսօր հայկական ապահովագրական շուկայում կիրառվող բազմաթիվ գործելակերպեր առաջին անգամ ներդրվել կամ նախաձեռնվել են հենց Փրայմ-ի կողմից։
Ոլորտի զարգացման առաջամարտիկ
Փրայմ-ը եղել է Հայաստանի ապահովագրական շուկայում մի շարք նորարարությունների նախաձեռնողը՝
- ներդնելով առաջին ապահովագրական փուլերը (insurance pools) և համաապահովագրության (co-insurance) մեխանիզմները,
- կազմակերպելով առաջին վերաապահովագրական գլխավոր (Treaty) և ֆակուլտատիվ (Facultative) ծրագրերը,
- մշակելով ապահովագրական լուծումներ պետական նշանակության խոշոր ծրագրերի համար,
- նպաստելով նոր ապահովագրական և բրոքերային ընկերությունների հիմնադրմանը,
- ապահովելով միջազգային ապահովագրական և վերաապահովագրական ընկերությունների մուտքը հայկական շուկա։
Ներդրում գիտելիքի և կրթության մեջ
Ապահովագրական ոլորտի նոր սերնդի մասնագետների ձևավորման նպատակով Փրայմ-ը՝
- Հայաստանի առաջատար բուհերում ներդրել է «Ապահովագրական գործ» մագիստրոսական ծրագիրը,
- հիմնադրել է «Հայ համայնքը՝ հայ ուսանողությանը» հիմնադրամը, որի միջոցով 11 բուհի 262 ուսանող ստացել է անվանական կրթաթոշակ,
- կազմակերպել է միջազգային սեմինարներ՝ համաշխարհային առաջատար փորձագետների մասնակցությամբ, որոնց մասնակցել է շուրջ 150 հայաստանյան մասնագետ,
- նախաձեռնել և կազմակերպել է Հայաստանում և Արցախում ապահովագրությանը նվիրված գիտագործնական համաժողովներ։
Երկարաժամկետ ժառանգություն
Փրայմ-ի ներդրումը սահմանափակված չէ միայն բիզնեսով։ Ընկերությունն իր գործունեության ընթացքում՝
- պատրաստել է բազմաթիվ մասնագետներ, ովքեր այսօր ղեկավար պաշտոններ են զբաղեցնում Հայաստանի և միջազգային ապահովագրական ընկերություններում,
- նախաձեռնել է նոյեմբերի 19-ը՝ որպես Հայաստանում «Ապահովագրողների օր» մասնագիտական տոնի ճանաչումը,
- էական ներդրում է ունեցել Հայաստանում ապահովագրական մասնագիտության և ոլորտի ինստիտուցիոնալ զարգացման գործում։
Անդրադարձ Փրայմ-ին
- ՀՀ նախագահի պաշտոնական կայքի անդրադարձը Փրայմ-ի Lloyd's բրոքեր հավատարմագրման պաշտոնական միջոցառմանը
- Հայաստանի գործարարների միության անդրադարձը Փրայմ-ի Lloyd's բրոքեր հավատարմագրմանը
- Armenpress-ի անդրադարձը Փրայմ-ի Lloyd's բրոքեր հավատարմագրման պաշտոնական միջոցառմանը
- ArmBanks ֆինանսաբանկային պորտալի անդրադարձը Փրայմ-ի Lloyd's բրոքեր հավատարմագրման պաշտոնական միջոցառմանը
- A1+ լրատվական կայքի անդրադարձը Փրայմ-ի Lloyd's բրոքեր հավատարմագրման պաշտոնական միջոցառմանը
- Finport ֆինանսատնտեսական լրատվական կայքի անդրադարձը Փրայմ-ի Lloyd's բրոքեր հավատարմագրմանը
- XPRIMM միջազգային ապահովագրական լրատվական հարթակի անդրադարձը Փրայմ-ի Lloyd's բրոքեր հավատարմագրմանը
- iXBT.am տեխնոլոգիական և բիզնես լրատվական կայքի անդրադարձը Փրայմ-ի Lloyd's բրոքեր հավատարմագրման պաշտոնական միջոցառմանը
